I. ცხადდება ღია კონკურსი შპს უნივერსიტეტი გეომედის ექსპერიმენტული და კლინიკური მედიცინის სამეცნიერო-კვლევითი ინსტიტუტის დირექტორის კანდიდატურის შერჩევის მიზნით, შემდეგი პირობებით:
II. შპს უნივერსიტეტი გეომედის ექსპერიმენტული და კლინიკური მედიცინის სამეცნიერო-კვლევითი ინსტიტუტის დირექტორის თანამდებობის დაკავება 5 (ხუთი) წლის ვადით შეუძლია პირს, რომელსაც აქვს დოქტორის ან მასთან გათანაბრებული აკადემიური ხარისხი (შესაბამისი მიმართულებით), სამეცნიერო-კვლევითი საქმიანობის არანაკლებ 6 წლის გამოცდილება, ბოლო 5 წლის განმავლობაში გამოქვეყნებული სამეცნიერო პუბლიკაციები ადგილობრივ და საერთაშორისო ჟურნალებსა და სხვა გამოცემებში.
III. კონკურსში მონაწილეობის მისაღებად კონკურსანტმა, განსაზღვრული პირობებისა და ვადების დაცვით, სამეცნიერო საბჭოს უნდა წარუდგინოს შემდეგი დოკუმენტაცია:
ა) განცხადება სამეცნიერო საბჭოს სახელზე (დადგენილი ფორმის მიხედვით, დანართი 1);
ბ) პირადობის დამადასტურებელი დოკუმენტის ასლი (პასპორტი, პირადობის მოწმობა);
გ) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი, (უცხო ქვეყანაში მიღებული განათლების ან/და სამეცნიერო ხარისხის აღიარების კანონმდებლობით დადგენილი წესით გაცემული დოკუმენტი, ასეთის არსებობის შემთხვევაში);
დ) სამეცნიერო-კვლევითი საქმიანობის არანაკლებ 6 წლის გამოცდილების დამადასტურებელი დოკუმენტი;
ე) ავტობიოგრაფია CV (ქართულ და ინგლისურ ენებზე);
ვ) ბოლო 5 წლის განმავლობაში იმპაქტ-ფაქტორიან ჟურნალში/რეფერირებად (peer-reviewed) და საერთაშორისო ელექტრონულ ბაზებში ინდექსირებულ ჟურნალში/საერთაშორისო კრებულში (ელექტრონული ჟურნალის/კრებულის ჩათვლით) გამოქვეყნებული სამეცნიერო პუბლიკაციების სია, სამეცნიერო კონფერენციებში მონაწილეობა;
ზ) სამეცნიერო-კვლევით პროექტებში და სამეცნიერო გრანტებში მონაწილეობის შესახებ ინფორმაცია ბოლო 5 წლის განმავლობაში;
თ) სამოქმედო გეგმა;
ი) ინგლისური ენის B2 დონის ცოდნის დამადასტურებელი საერთაშორისოდ აღიარებული სერტიფიკატი (IELTS, TOEFL, Cambridge English, UNIcert, EnglishScore და სხვ.) ან გაიაროს ტესტირება ინგლისურ ენაში;
კ) ცნობა სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ.
IV. სამეცნიერო საბჭო ამოწმებს წარმოდგენილი დოკუმენტაციის მოთხოვნებთან შესაბამისობას. საკონკურსო დოკუმენტაციის არასრულყოფილად წარმოდგენის შემთხვევაში საკონკურსო განცხადება მიღებასა და რეგისტრაციას არ ექვემდებარება.
V. კონკურსანტმა, რომელიც ვერ წარმოადგენს ინგლისური ენის (B2 დონე) ფლობის დამადასტურებელ სერთიფიკატს, უნდა გაიაროს ტესტირება ინგლისურ ენაში.
VI. საკონკურსო დოკუმენტაციის წარმოდგენის ვადა – 2025 წლის 13 ნოემბრიდან 2025 წლის 19 ნოემბრის ჩათვლით, ყოველ სამუშაო დღეს 1000 საათიდან 1700 საათამდე.
VII. ტესტირება ინგლისურ ენაში – 2025 წლის 20 ნოემბერს, 1000 სთ -1700 სთ.
VIII. გასაუბრება – 2025 წლის 21 ნოემბერს 1100 საათზე.
IX. კონკურსის შედეგები გამოქვეყნდება უნივერსიტეტის ვებ-გვერდზე 2025 წლის 24 ნოემბერს.
X. კონკურსის შედეგების გასაჩივრების ვადა – 2025 წლის 25 ნოემბრის 1700 საათამდე.
XI. 2025 წლის 26 ნოემბერი დაეთმობა სააპელაციო კომისიის მუშაობას.
XII. სამეცნიერო საბჭოს მიერ სამეცნიერო-კვლევითი ინსტიტუტის დირექტორის კანდიდატურის არჩევა მოხდება რეიტინგული შეფასების კრიტერიუმების მიხედვით დაგროვებული ქულების შესაბამისად:
1. სამეცნიერო სტატია (ბოლო 5 წლის განმავლობაში):
ა) იმპაქტ-ფაქტორიან ჟურნალში გამოქვეყნებულ ყოველ სტატიაზე – 10 ქულა;
ბ) რეფერირებად (peer-reviewed) და საერთაშორისო ელექტრონულ ბაზებში ინდექსირებულ ჟურნალებში/საერთაშორისო კრებულებში (ელექტრონული ჟურნალების/კრებულების ჩათვლით) გამოქვეყნებულ ყოველ სტატიაზე – 5 ქულა;
2. სამეცნიერო – კვლევით პროექტებში მონაწილეობა (ბოლო 5 წლის განმავლობაში) – 5 ქულა;
3. ჩართულობა ადგილობრივ და საერთაშორისო სამეცნიერო გრანტებში (ბოლო 5 წლის განმავლობაში) – 5 ქულა;
4. სამეცნიერო კონფერენციებში მონაწილეობა (ბოლო 5 წლის განმავლობაში) – 5 ქულა;
5. სამოქმედო გეგმის შეფასება -15 ქულა;
6. გასაუბრება – 10 ქულა.
ელ.ფოსტა: info@geomedi.edu.ge
ტელ.: 275 25 20
მიმაგრებული ფაილები:
დანართი 1
