უნივერსიტეტის ბიბლიოთეკა წარმოადგენს სტრუქტურულ ერთეულს, რომლის ძირითადი ფუნქციაა გლობალურ საგანმანათლებლო სივრცეში ინტეგრირებით წიგნადი და ელექტრონული ფონდების ორგანიზაცია და გამოყენება, მიზნით-მომხმარებელთა სულ უფრო მზარდი საბიბლიოთეკო-საინფორმაციო მოთხოვნილების მაქსიმალური დაკმაყოფილება თანამედროვე ტექნოლოგიების გამოყენებით. გეომედის ბიბლიოთეკას აქვს სტანდარტით გათვალისწინებული სივრცეები მოთხოვნების შესაბამისად, რომლებიც ბიბლიოთეკაში ქმნიან ისეთ ფიზიკურ და ვირტუალურ გარემოს, სადაც სტუდენტებისა და სხვა მომხმარებლისათვის ხელმისაწვდომია სამამულო და საერთაშორისო ბეჭდური და ციფრული რესურსები. ეს სივრცეებია: აბონენტი და სამკითხველო დარბაზი, კომპიუტერების დარბაზი, საცავი, საკონსულტაციო ოთახი და გამრავლების უბანი (ქსეროქსი, აკინძვა და სხვა). ბიბლიოთეკა მუშაობს კვირაში ექვსი დღე, ორშაბათიდან შაბათის ჩათვლით.
ბიბლიოთეკის რესურსები მუდმივად განახლებადია – მოქმედებს მომხმარებელთა მიერ ბიბლიოთეკის ინტელექტუალურ რესურსებზე არარსებული რესურსის მოთხოვნის რეესტრი, რომლის შესაბამისადაც ივსება ბიბლიოთეკის ბეჭდური და ციფრული ფონდები. ელექტრონული ბაზები და წიგნების ელექტრონული კატალოგი ხელმისაწვდომია როგორც ბიბლიოთეკაში, ისე ბიბლიოთეკის გარეთ. ასევე, სტუდენტების განკარგულებაშია EBSCO-ს ელექტრონული ბაზები (11 ბაზა) და Elsevier-ის ბაზები: ScienceDirect® – (დაახლოებით 2 000 სამეცნიერო ჟურნალი); Scopus® – ციტირებისა და აბსტრაქტების უდიდესი საერთაშორისო ბაზა მსოფლიოში.
ბიბლიოთეკის დირექტორის მიერ პერიოდულად იგეგმება და ტარდება ტრენინგები საბიბლიოთეკო ელექტრონული ბაზების გამოყენების თაობაზე. სამამულო და საერთაშორისო ციფრული და ბეჭდური რესურსების შესყიდვის გზით ხდება ბიბლიოთეკის ფონდების მუდმივი განახლება. დეტალურად ბიბლიოთეკის დანიშნულების, ფუნქციების და სარგებლობის შესახებ გაწერილია ბიბლიოთეკის დებულებაში და ბიბლიოთეკით სარგებლობის წესებში.
ბიბლიოთეკის დებულება
ბიბლიოთეკით სარგებლობის წესები
ბიბლიოთეკის სერვისები
სამკითხველო დარბაზი – ბიბლიოთეკაში განთავსებულია მრავალადგილიანი კეთილმოწყობილი სამკითხველო დარბაზი, სადაც სტუდენტებსა და აკადემიურ პერსონალს შეუძლიათ იმუშაონ წყნარ და კომფორტულ გარემოში.
საინფორმაციო – ტექნოლოგიური აღჭურვილობის სივრცე დაკომპლექტებულია თანამედროვე კომპიუტერული ტექნიკით, ინტერნეტით, არსებობს შესაფერისი გარემო მომხმარებლისათვის სრულყოფილი კომპიუტერული მომსახურების გაწევისათვის. კომპიუტერული რესურსცენტრი მუშაობს კვირაში 6 დღე, კვირის გარდა. კომპიუტერით სარგებლობა შეუძლიათ, როგორც სტუდენტებს, ასევე აკადემიურ პერსონალს. მისი სარგებლობისას დაშვებულია:
ა) ტექსტის შეყვანა და რედაქტირება
ბ) ინტერნეტით მასალების მოძიება და გადმოწერა
გ) ლიტერატურაზე მუშაობა ელექტრონული ვერსიებით
დ) ელექტრონული ფოსტით სარგებლობა
ე) სასწავლო პროგრამებზე მუშაობა
ვ) სხვადასხვა კომპიუტერული პროგრამების გამოყენება/სარგებლობა
ასლის გადაღების, პრინტერისა და სკანერის მომსახურებით სარგებლობა შესაძლებელია წინასწარ შეკვეთის საფუძველზე, საავტორო უფლებების დაცვის ინსტრუქციებისა და შენახვის მოთხოვნების შესაბამისად, როგორც პირადად, ასევე ელექტრონულად. ამისათვის, თქვენთვის სასურველი მასალის მითითებით უნდა გააგზავნოთ შეკვეთა მისამართზე: print.library@geomedi.edu.ge. ასლის გადაღებისა და ამობეჭდვის სერვისი ხელმისაწვდომია უნივერსიტეტის ბიბლიოთეკის დარბაზში. სამუშაო საათები: ორშაბათი-პარასკევი: 10:00-18:00 სთ.
შეხვედრების და ჯგუფური მუშაობის სივრცის დაჯავშნა და მისით სარგებლობა შეუძლიათ უნივერსიტეტის აკადემიურ პერსონალს, სტუდენტებსა და თანამშრომლებს, ბიბლიოთეკის სამუშაო საათების განმავლობაში წინასწარი დაჯავშნის საფუძველზე.
ბიბლიოთეკათაშორისი აბონემენტით მომსახურება (ბშა) – უზრუნველყოფს უნივერსიტეტ გეომედის სტუდენტებსა და თანამშრომლებს ისეთი რესურსებით, რაც არ მოიპოვება ბიბლიოთეკის საცავში. სერვისით სარგებლობისთვის მკითხველმა საჭიროა მიმართოს ბიბლიოთეკარს და შეავსოს შეკვეთის ფორმა.
საკონტაქტო ინფორმაცია: library@geomedi.edu.ge
