2019 წლის 11 ივლისს, თბილისის ოლიმპიურ სასახლეში, საქართველოს სტუდენტური კალათბურთის ლიგაში, უნივერსიტეტ გეომედის კალათბურთის გუნდმა ივანე ჯავახიშვილის სახელობის თბილისის სახელმწიფო უნივერსიტეტის გუნდი ანგარიშით 93:80 დაამარცხა.
სიახლეები
2019 წლის 9 ივლისს სასწავლო უნივერსიტეტ გეომედში პროფესორ ნუგზარ ალექსიძის 85 და უნივერსიტეტის ბიბლიოთეკის დირექტორის იოსებ ბოლოკაძის 70 წლის იუბილესთან დაკავშირებული ღონისძიება გაიმართა.
წარმატებით დასრულდა მორიგი ტრენინგი უნივერსიტეტის აკადემიური პერსონალისათვის “სწავლების თანამედროვე მეთოდები”, რომელსაც უძღვებოდა საგანმანათლებლო ინიციატივების ცენტრის დირექტორი ეთერ ღვინერია. ტრენინგები ტარდება უნივერსიტეტის სამეცნიერო კვლევითი ფონდის ეგიდით და მიზნად ისახავს უნივერსიტეტის აკადემიური და მოწვეული პერსონალის გადამზადებასა და უწყვეტ პროფესიულ განვითარებას.
2019 წლის 22 ივნისს საერთაშორისო სტუდენტურ კონფერენციაში “ღვინო, როგორც სოციალურ-ეკონომიკური განვითარების რესურსი და ქვეყნის იდენტობა” წარმატებით მიიღო მონაწილეობა უნივერსიტეტ გეომედის მედიცინის ფაკულტეტის სტუდენტმა ირაკლი გოგიაშვილმა. თემის სახელწოდება “ენოთერაპიის საკითხისადმი”, ხელმძღვანელი: უნივერსიტეტ გეომედის პროფესორი არჩილ კაპანაძე. ვულოცავთ ირაკლის გამარჯვებას და შემდგომ წარმატებებს ვუსურვებთ!
2019 წლის 21 ივნისს უნივერსიტეტ გეომედში გაიმართა სტომატოლოგიის, ჯანდაცვის ეკონომიკის და მენეჯმენტის, ფიზიკური მედიცინისა და რეაბილიტაციის ფაკულტეტების გამოსაშვები ღონისძიება.
