13 მაისს ელსევიერის ტრენერის Alison Ferrett-ის მიერ ჩატარდა ვებინარი თემაზე: ,,How to find the right journal’’. ტრენერმა ისაუბრა ისეთი გამოწვევის შესახებ, როგორიცაა საუკეთესო ჟურნალის შერჩევა სტატიის გამოსაქვეყნებლად, გაუზიარა მსმენელს საუკეთესო პრაქტიკის მაგალითები. ასევე, განიხილა სტრატეგიები და ინსტრუმენტები, რაც დაეხმარებათ ავტორებს ჟურნალის შერჩევის პროცესში. ვებინარს ესწრებოდნენ უნივერსიტეტ გეომედის მაგისტრატურის სტუდენტები და პროფესორ-მასწავლებლები.
8 მაისს მენეჯმენტისა და ბიზნესის ლაბორატორიაში გაიმართა ბიზნეს ქეისების კონკურსი, სადაც მონაწილეობდნენ ჯანდაცვის ეკონომიკისა და ბიზნესის ფაკულტეტის სტუდენტები. გამოვლინდა გამარჯვებული გუნდი. პირველი ადგილი დაიმსახურეს თამარ სიხუაშვილმა და ლუკა იაკობიძემ მათ გადაეცათ სერტიფიკატები და ფასიანი საჩუქრები.
უნივერსიტეტ გეომედის ფიზიკური მედიცინისა და რეაბილიტაციის ფაკულტეტის სტუდენტები 25 აპრილს სტუმრად იმყოფებოდნენ ოლიმპიურ მუზეუმში. სტუდენტებს უმასპინძლა სეოკ-ის პირველმა ვიცე-პრეზიდენტმა ელგუჯა ბერიშვილმა და სამივე სინჯის ოლიმპიური მედლის მფლობელმა, მსოფლიოს რეკორდსმენმა, ათგზის ოლიმპიური თამაშების მონაწილემ, სეოკ-ის ვიცე-პრეზიდენტმა ნინო სალუქვაძემ. შეხვედრის დასასრულს სტუდენტებს უჩვენეს ფილმი – ,,ერთი ჩემპიონის ისტორია” ლეგენდარული ტყვიის მსროლელის ნინო სალუქვაძის შესახებ.
2025 წლის 19-22 მარტს, ლატვიის დედაქალაქ რიგაში, ჩატარდა ევროპის გინეკოლოგიის საზოგადოების მე-16 კონგრესი, სადაც მონაწილეობას იღებდნენ გინეკოლოგიისა და რეპროდუქტოლოგიის მსოფლიოს წამყვანი ექსპერტები. უნივერსიტეტ გეომედის ასოცირებული პროფესორი ელენე ასანიძე წარსდგა კონგრესზე ლექციით თემაზე, ნაადრევი სქესობრივი განვითარება გოგონებში (Precocious Puberty in Girls: Challenges and Consequences). აღნიშნულმა მოხსენებამ დაიმსახურა მსმენელთა დიდი მოწონება და გამოიწვია საინტერესო დისკუსია.
2025 წლის 27 მარტს უნივერსიტეტ გეომედის ჯანდაცვის ეკონომიკისა და მენეჯმენტის ფაკულტეტი ესტუმრა გ.ელიავას სახელობის ბაქტერიოფაგის, მიკრობიოლოგიისა და ვირუსოლოგიის ინსტიტუტს.სტუდენტებმა დაათვალიერეს კლინიკა და კვლევითი ინსტიტუტი, სადაც მასპინძლებმა სიღრმისეულად გააცნეს მათი მუშაობის შესახებ. იმ ახალ ინოვაციებზე და ტექნოლოგიებზე, რომელიც დანერგილია ინსტიტუტში. ლაბორატორიებისა და ახალ პროდუქტებთან გაცნობის შემდეგ, ვიზიტი გაგრძელდა კითხვა-პასუხის რეჟიმში.
