ერაზმუს + მიერ დაფინანსებული გაცვლითი პროგრამა რუმინეთის გრეგორი პოპას სახელობის მედიცინის და ფარმაციის უნივერსიტეტში სტუდენტებისათვის

1. შპს უნივერსიტეტი გეომედი აცხადებს კონკურსს რუმინეთის გრეგორი პოპას სახელობის მედიცინის და ფარმაციის უნივერსიტეტში (Grigore T. Popa university of medicin and pharmacy) ერაზმუს + მიერ დაფინანსებულ გაცვლით პროგრამაში მონაწილეობის მიზნით მედიცინის ფაკულტეტის მე-7, მე-8, მე-9 და მე-10 სემესტრების აქტიური სტატუსის მქონე სტუდენტებისათვის 1 (ერთი) ადგილზე. აპლიკანტს ბოლო 12 თვის განმავლობაში არ უნდა ჰქონდეს მოპოვებული ერაზმუს + – ის გრანტი.

2. გაცვლითი პროგრამის ხანგრძლივობა – 1 სემესტრი (2024/2025 სასწავლო წლის გაზაფხულის სემესტრი).

3. სააპლიკაციო დოკუმენტების მიღების ვადები – დაინტერესებულმა სტუდენტებმა 2024 წლის 21 ნოემბრიდან 29 ნოემბრის 16:00 საათამდე უნდა გამოაგზავნონ სააპლიკაციო დოკუმენტაციის სრული ჩამონათვალი შემდეგ ელ-ფოსტაზე: giorgi.kutibashvili@geomedi.edu.ge

სააპლიკაციო დოკუმენტაციის ჩამონათვალი:

• პირადობის მოწმობის ან პასპორტის ასლი.
• CV-ს ევროპასის ფორმატით (ინგლისურ ენაზე, არაუმეტეს ორი გვერდისა).
• ინგლისური ენის, B2 დონის, დამადასტურებელი საერთაშორისო სერტიფიკატი ან უნივერსიტეტის საგამოცდო ცენტრის მიერ გაცემული ინგლისური ენის B2 დონის დამადასტურებელი ცნობა.
• სამოტივაციო წერილი (ინგლისურ ენაზე, არაუმეტეს ერთი გვერდისა).
• უნივერსიტეტის აკადემიური პერსონალის ან ფაკულტეტის დეკანის რეკომენდაცია (ინგლისურ ენაზე).
• სასწავლო ბარათი ინგლისურ ენაზე (აპლიკანტს უნდა ჰქონდეს მიმდინარე GPA მინიმუმ 2.8).
• შევსებული სააპლიკაციო ფორმა.

4. კონკურსის შესარჩევი პროცესი:

• ტესტირება ინგლისურ ენაში (საჭიროების შემთხვევაში) – 2024 წლის 2 დეკემბერი, 12⁰⁰ საათზე.
• დოკუმენტაციის შემოწმება – 2024 წლის 03 დეკემბერი.
• გასაუბრება საკონკურსო კომისიასთან – 2024 წლის 4 დეკემბერი, 12⁰⁰ საათზე.
• შერჩეული კანდიდატის ნომინირება მასპინძელ უნივერსიტეტში – 2024 წლის 5 დეკემბერი.

განაცხადების მიღების დასრულების შემდეგ აპლიკანტების შეფასება და ნომინირება მოხდება სტუდენტის და პერსონალის (აკადემიური, სამეცნიერო, ადმინისტრაციული, დამხმარე) საერთაშორისო გაცვლით პროგრამებში მონაწილეობის წესის მე-5 მუხლის 5.3. პუნქტის შესაბამისად.

5. კონსულტაციები გაცვლით პროგრამასთან დაკავშირებით – 2024 წლის 21 – 22 ნოემბერი, 11⁰⁰ საათზე.

6. სასწავლო პროგრამასთან დაკავშირებით მიმართეთ დეკანატს ან შესაბამისი პროგრამის ხელმძღვანელს.

7. დამატებითი ინფორმაცია:

• სტიპენდია მოიცავს 800 ევროს თვეში (4.5 თვის განმავლობაში). ასევე, 275 ევროს ავია ბილეთებისთვის.
• სემესტრი მასპინძელ უნივერსიტეტში იწყება 2025 წლის 17 თებერვალს.
• შერჩეულმა კანდიდატმა 2024/2025 სასწავლო წლის გაზაფხულის სემესტრში უნდა გაიაროს ადმინისტრაციული რეგისტრაცია.

---