2023 წლის 24 მარტს, საერთაშორისო ურთიერთობებისა და საზოგადოებასთან ურთიერთობის სამსახურის ორგანიზებით, უნივერსიტეტ გეომედში ღია კარის დღე ჩატარდა. სტუდენტების ურთიერთობის სამსახურის უფროსმა, ეკატერინე ბუაძემ აბიტურიენტებს უნივერსიტეტის შესახებ ესაუბრა, გააცნო მათ საგანმანათლებლო პროგრამები, აკადემიური პროცესები, საერთაშორისო გაცვლითი პროგრამები და სხვა საინტერესო შეთავაზებები.
აბიტურიენტები ასევე შეხვდნენ და კითხვები დაუსვეს ფაკულტეტის დეკანებს და საუნივერსიტეტო კლინიკების დირექტორებს, დაათვალიერეს უნივერსიტეტის ინფრასტრუქტურა და სასწავლო გარემო.
უნივერსიტეტი გეომედი უსურვებს ყველა აბიტურიენტს ერთიანი ეროვნული გამოცდების წარმატებით ჩაბარებას.
