2023 წლის 3 თებერვალს, უნივერსიტეტ გეომედის საკონფერენციო დარბაზში ჩატარდა სამეცნიერო სემინარი თემაზე “ქართული სამკურნალო მცენარეების ანტიოქსიდანტური პოტენციალის განსაზღვრა და მათი გამოყენების პერსპექტივები ოქსიდაციურ სტრესთან დაკავშირებული პათოლოგიების სამკურნალოდ”.
მომხსენებელი იყო უნივერსიტეტ გეომედის პროფესორი, ექსპერიმენტული და კლინიკური მედიცინის სამეცნიერო-კვლევითი ინსტიტუტის მთავარი მეცნიერ-თანამშრომელი ვალენტინა მიტოვა. მან განიხილა ენდემური მცენარეების ანტიოქსიდანტური პოტენციალის შესწავლა ღვიძლის პათოლოგიის მოდელზე, თაგვებში. სემინარის ფარგლებში გაიმართა დისკუსია და განხილული იქნა შესაბამისი ექსპერიმენტების დაგეგმვის სტრატეგიები.
