უნივერსიტეტი გეომედის, სოციალური პასუხისმგებლობის ფარგლებში ატარებს სხვადასხვა ტიპის სამედიცინო თუ საგანმანათლებლო აქტივობებს, სწორედ ამ პროექტის ეგიდით და უნივერსიტეტის სტომატოლოგიური კლინიკის ხელშეწყობით, სასწავლო დაწესებულება “ალბიონში” ასამდე პირველ კლასელ მოსწავლეს ჩაუტარდა პირის ღრუს ჰიგიენის, კბილების სწორი გახეხვის და ხელების სწორად დაბანვის გაკვეთილი, რომელსაც უძღვებოდა უნივერსიტეტ გეომედის საუნივერსიტეტო სტომატოლოგიური კლინიკის მთავარი ექიმი გიორგი მოდებაძე. შეხვედრამ დიდი მოწონება დაიმსახურა როგორც მოსწავლეებისა და მათი მშობლების, ასევე სკოლის ადმინისტრაციის წარმომადგენლების მხრიდან. უნივერსიტეტი სამომავლოდაც გეგმავს მსგავსი ტიპის ღონისძიებით ესტუმროს თბილისის სხვადასხვა სასწავლო დაწესებულებას.
