შპს. სასწავლო უნივერსიტეტი გეომედი აცხადებს კონკურსს გაცვლით პროგრამასთან დაკავშირებით მედიცინის ფაკულტეტის მე-7, მე-8, მე-9, მე-10 და სტომატოლოგიის ფაკულტეტის მე-5, მე-6, მე-7 და მე-8 სემესტრების აქტიური სტატუსის მქონე სტუდენტებისათვის პარტნიორ თურქეთის ონდოკუზ მეის (Ondokuz Mayis) უნივერსიტეტში.
გაცვლითი პროგრამის ხანგრძლივობა – 1 სემესტრი (2021/2022 სასწავლო წლის გაზაფხულის სემესტრი).
სააპლიკაციო დოკუმენტების მიღების ვადები – დაინტერესებულმა სტუდენტებმა 2021 წლის 19 ნოემბრის 16:00 საათამდე უნდა გამოაგზავნონ სააპლიკაციო დოკუმენტაციის სრული ჩამონათვალი შემდეგ ელ-ფოსტაზე: nana.gvenetadze@geomedi.edu.ge.
სააპლიკაციო დოკუმენტაციის ჩამონათვალი:
- პირადობის მოწმობის ან პასპორტის ასლი
- CV-ს ევროპასის ფორმატით (ინგლისურ ენაზე, არაუმეტეს ორი გვერდისა)
- ინგლისური ენის, B2 დონის, დამადასტურებელი საერთაშორისო სერტიფიკატი ან უნივერსიტეტის საგამოცდო ცენტრის მიერ გაცემული ინგლისური ენის B2 დონის დამადასტურებელი ცნობა
- მოტივაციის წერილი (ინგლისურ ენაზე, არაუმეტეს ერთი გვერდისა)
- უნივერსიტეტის აკადემიური პერსონალის ან ფაკულტეტის დეკანის რეკომენდაცია (ინგლისურ ენაზე)
- ნიშნების ფურცელი (ინგლისურ ენაზე)
- შევსებული სააპლიკაციო ფორმა
კონკურსის შესარჩევი პროცესი:
- დოკუმენტაციის შემოწმება (შპს. სასწავლო უნივერსიტეტი გეომედი)
- გასაუბრება საკონკურსო კომისიასთან (შპს. სასწავლო უნივერსიტეტი გეომედი)
- შერჩეული კანდიდატების ნომინირება მასპინძელ უნივერსიტეტში (ონდოკუზ მეის უნივერსიტეტი)
- დოკუმენტაციის შემოწმება (შპს. სასწავლო უნივერსიტეტი გეომედი)
- გასაუბრება საკონკურსო კომისიასთან (შპს. სასწავლო უნივერსიტეტი გეომედი)
- შერჩეული კანდიდატების ნომინირება მასპინძელ უნივერსიტეტში (ონდოკუზ მეის უნივერსიტეტი)
განაცხადების მიღების დასრულების შემდეგ აპლიკანტების შეფასება და ნომინირება მოხდება სტუდენტის და პერსონალის (აკადემიური, სამეცნიერო, ადმინისტრაციული, დამხმარე) საერთაშორისო გაცვლით პროგრამებში მონაწილეობის წესის მე-5 მუხლის 5.3. პუნქტის შესაბამისად.
გასაუბრება საკონკურსო კომისიასთან – 2021 წლის 24 ნოემბერს, 12:00 საათზე.
სასწავლო პროგრამასთან დაკავშირებით მიმართეთ დეკანატებს ან შესაბამისი პროგრამის ხელმძღვანელს.
კონსულტაციები გაცვლით პროგრამასთან დაკავშირებით ჩატარდება 2021 წლის 11 და 22 ნოემბერს.
დამატებითი ინფორმაცია:
– შერჩეული კანდიდატები თავად აანაზღაურებენ მგზავრობის, საცხოვრებლის, კვებისა და სამოგზაურო დაზღვევის ხარჯებს;
– შერჩეულმა კანდიდატებმა ყველა სემესტრში უნდა გაიაროს ადმინისტრაციული რეგისტრაცია.
