ერაზმუს + მიერ დაფინანსებული გაცვლითი პროგრამა ადმინისტრაციული პერსონალისათვის

1. შპს უნივერსიტეტი გეომედი აცხადებს კონკურსს პარტნიორ ესპანეთის გრანადის უნივერსიტეტში (University of Granada, Spain) ერაზმუს + მიერ დაფინანსებულ გაცვლით პროგრამაში მონაწილეობის მიზნით ადმინისტრაციული პერსონალისათვის 1 (ერთი) ადგილზე.

2. გაცვლითი პროგრამის ხანგრძლივობა – 7 დღე (2024-2025 ს/წ გაზაფხულის სემესტრი, 5 სამუშაო დღე, 2 დღე სამგზავროდ).

3. სააპლიკაციო დოკუმენტების მიღების ვადა – დაინტერესებულმა პირებმა 2025 წლის 5 მაისიდან 20 მაისის 1600 საათამდე უნდა გამოაგზავნონ სააპლიკაციო დოკუმენტაციის სრული ჩამონათვალი უნივერსიტეტის ელ-ფოსტაზე: info@geomedi.edu.ge

 სააპლიკაციო დოკუმენტაციის ჩამონათვალი:

  • საერთაშორისო პასპორტის ასლი;
  • შევსებული სააპლიკაციო ფორმა (განცხადება).
  • CV-ს ევროპასის ფორმატით.
  • ინგლისური ენის, B2 დონის, დამადასტურებელი საერთაშორისო სერტიფიკატი (IELTS; FCE; TOEFL) ან უნივერსიტეტის საგამოცდო ცენტრის მიერ გაცემული ინგლისური ენის B2 დონის დამადასტურებელი ცნობა.
  • ცნობა შრომითი ხელშეკრულების/კონტრაქტის ვადების შესახებ.

4. კონკურსის შესარჩევი პროცესი:

  • ტესტირება ინგლისურ ენაში (საჭიროების შემთხვევაში) – 2025 წლის 21 მაისი, 1200 საათზე.
  • დოკუმენტაციის შემოწმება – 2025 წლის 22 მაისი.
  • გასაუბრება საკონკურსო კომისიასთან – 2025 წლის 23 მაისი, 1200 საათზე.
  • შერჩეული კანდიდატის ნომინირება მასპინძელ უნივერსიტეტში – 2025 წლის 30 მაისი.

განაცხადების მიღების დასრულების შემდეგ აპლიკანტების შეფასება და ნომინირება მოხდება სტუდენტის და პერსონალის (აკადემიური, სამეცნიერო, ადმინისტრაციული, დამხმარე) საერთაშორისო გაცვლით პროგრამებში მონაწილეობის წესის მე-6 მუხლის 6.1. პუნქტის შესაბამისად.

5. კონსულტაცია გაცვლით პროგრამასთან დაკავშირებით – 2025 წლის 2 მაისი, 1100 საათზე.

6. დამატებითი ინფორმაცია – პროექტი სრულიად ფინანსდება ერაზმუს + მიერ.


Facebooktwitterpinterestlinkedinmail