2021 წლის 16 დეკემბერს, სასწავლო უნივერსიტეტ გეომედის ორგანიზებით ჩატარდა სტუდენტთა თეორიულ-პრაქტიკული ონლაინ კონფერენცია თემაზე: “მედიცინისა და მენეჯმენტის თანამედროვე პრობლემები“. სტუდენტებმა წარმოადგინეს მოხსენებები, რომლებიც ეხებოდა მედიცინის, სტომატოლოგიის, რეაბილიტაციის, ეკონომიკისა და მენეჯმენტის სფეროში კვლევებსა და აქტუალურ საკითხებს. თითოეული გამომსვლელის შემდეგ, განხილული თემის გარშემო გაიმართა დისკუსია. კონფერენციის ბოლოს კომისიამ შეაფასა და გამოავლინა საუკეთესო მომხსენებლები:
I ადგილი – ნანა თევდორაშვილი (სტომატოლოგიის ფაკულტეტი)
II ადგილი – ნინო ტუღუში (სტომატოლოგიის ფაკულტეტი)
III ადგილი – ია ხუფაცარია (სტომატოლოგიის ფაკულტეტი)
ჟიურის სიმპათია – ვერიკო გულიაშვილი (ფიზიკური მედიცინისა და რეაბილიტაციის ფაკულტეტი)
მონაწილეებს გადაეცათ სერთიფიკატები. გამარჯვებულები დაჯილდოვდნენ სტიპენდიებით. კონფერენციის მასალები გამოქვეყნდება უნივერსიტეტის სტუდენტური კონფერენციის კრებულში.
