უნივერსიტეტ გეომედის ფუტსალის ნაკრებმა მიმდინარე წელი გამარჯვებით დაასრულა! 2017 წლის 12 დეკემბერს, საქართველოს საუნივერსიტეტო სპორტის ფედერაციის ფუტსალის თასის შეხვედრაში უნივერსიტეტ გეომედის ფუტსალის (მინი, დარბაზის ფეხბურთი) ნაკრებმა სახელმწიფო სამედიცინო უნივერსიტეტის გუნდი ანგარიშით 4:2 დაამარცხა.  

  2017 წლის 8 დეკემბერს უნივერსიტეტ გეომედში სტუდენტური თვითმმართველობის ორგანიზებით და ადმინისტრაციის მხარდაჭერით ჩატარდა ინტელექტუალური თამაში „რა? სად? როდის?“ ინტელექტუალური თამაში ძალიან საინტერესოდ წარიმართა, თითეულმა გუნდმა კარგად წარმოაჩინა თავი, გამოვლინდნენ გამარჯვებულები: I ადგილი – „GM აღმზევლებლები“ (მედიცინის ფაკულტეტი) II ადგილი – “ტანტალი“ (ფიზიკური მედიცინისა და რეაბილიტაციის ფაკულტეტი) III ადგილი – „განკა“  

2017 წლის 28 ოქტომბერს, უნივერსიტეტ გეომედის სტუდენტური თვითმმართველობის ორგანიზებით და ადმინისტრაციის მხარდაჭერით მოეწყო ექსკურსია ვარძიასა და რაბათის ციხეში. სტუდენტებმა დაათვალიერეს იქ არსებული ღირსშესანიშნაობები. ღონისძიების მიზანი იყო სტუდენტებისთვის ქვეყნის ისტორიულ-კულტურულ ძეგლთა გაცნობა, სტუდენტებს შორის მჭიდრო ურთიერთობების დამყარების ხელშეწყობა.

2017 წლის 19 ოქტომბერს “დივალის” დღესასწაულთან დაკავშირებით უნივერსიტეტ გეომედის სტუდენტებისთვის გაიმართა წვეულება. წვეულების პროგრამაში მრავლად იყო წარმოდგენილი ქართული და ინდური ცეკვები, ფოლკლორული სიმღერები. ღონისძიებამ სტუდენტებისა და დამსწრე საზოგადოების დიდი ინტერესი და მოწონება დაიმსახურა.